Грузия

Жақсы елі — Грузия Колхиданың,
Кім сүймес қарлы тауын, көркем бауын
Бұлт таласқан Қазбек биігіндей,
Көріп тұр оның сұлу халқым бағын!
Толқынды көркем Кура, Арагва,
Бойына таңның нұры тарады да,—
Басына Эльбрустың туын тіктің,
Сүйіндім бақытыңа қарадым да!
Жұлдызы таңымыздың Кремльден
Жарқырап еліңізге күле кірген.
Сені де, Отандағы бүкіл елді
Сол жұлдыз құтқарды азап түнегінен.
Шұғыла түсісімен Кремльден
Менің де құлпырып гүл тұр елімнен,
Қабыл ал сәлемімді жырмен жазған,—
Мәңгі дос қазақ елі жүрегінен.

1957