Жалпақтал

Жүзіңді жылдар аңсаған,
Жаңа көрдім, Жалпақтал,
Жұртыңды жылы қарсы алам,
Жырымды да байқап қал.
Толықсып шықты алдымнан
Толқынды Қара өзенің,
Көгінен нұрын ай құйған
Құшағын жайды өз елім!
Осы бір өзен есімде
Дауылды сонау жылдардан
Ақ арғымақ үстінде
Жорықта Чапай жүлде алған.
О, Қара өзен, алыстан
Көпірің жатыр шалқайып,
Төсіңде тұңғыш танысқан
Фурманов пен Чапаев.
Сол елдердің жорықтан
Тұлпарының ізіне
Егін дәнін толқытқан
Ел көрінді көзіме.
Қырына көзім қадалса
Қойлар жатыр қаптаған,
Жұлдызды шопан тұр
Айша Еңбегін ел мақтаған.
Көшімнен су ішіп шұбырған
Үйірлі қызыл киіктей,
Еділбай қойы мыңғырған,
Еңбегі шопан биіктей.
Егінің бай, суың бал,
Еркін өскен ел озық,
Сәлем берем, қабыл ал,
Амандасам қол созып.

1958

---