Өлең, жыр, ақындар

Темір жол

  • 10.07.2022
  • 0
  • 0
  • 1318
Николай Сидоренкодан

Жол салып, ән қосқандар,
Күрегі қолда жарқырап,
Төселді ауыр шпалдар
Үйілді қойтас, топырақ.
Көтеріңкі террасы,
Дачалар бұға қараған,
Жүйткіді поезд жорғасы,—
Көк жалы бұлтты ораған.
Паровоз оттай қайнаған
Көбіктей буы ойнайды,
Әскерше киген бір адам
Вагоннан қолын бұлғайды.
Жымия күліп, сызыла
Қол бұлғаймын мен де оған,
Вагондарға қызыға
Түтіндете зулаған.
Жол болсын дос! Бас қадам,
Тұрарсың алыс перронда,
Онда да керек жақсы адам,
Жақсы адам керек онда да.
Тағы да әнін қосқандар
Жаңғыртты ішін орманның,
Төселді ауыр шпалдар
Төсіне суық құмдардың.
Құстар да қанат қомдана
Қарағай, қайың басынан
Қарайды бейне таңдана
Темір жолға жосылған.
Жақында шың-шың балға үні
Естіледі құлаққа,
Бригаданың барлығы
Келген жоқ әлі құдыққа.
Естіліп тұр дүрсілі,
Поездың кеткен алысқа,
Әлдекім ауыр күрсінді,
Үнсіз, қарап шығысқа.



Пікірлер (0)

Пікір қалдырыңыз

Қазыналы Қазақстан

  • 0
  • 0

Биылғы балбыраған қоңыр күзде,
Қиқулап қайтқан құстай көгімізде, —
Жол керней жүзген бидай керуені
Ағылды дән маржаны жерімізде.

Толық

Көк арша

  • 0
  • 0

Таныс бізге көк арша
күнге еркелеп, тауда өскен.
Тау самалын оңаша
Жұтып, сұлу таңда өскен.

Толық

Владимир Ильич Ленин

  • 0
  • 0

Уақыт, сөзді бастаймын Ленин жәйлі,
Емес уайым жоқтықтан одан асқан.
Уақыт, неге десеңіз,— ауыр қайғы
Мойытып, қара бұлттай үстен басқан.

Толық

Қарап көріңіз