Өлең, жыр, ақындар

Теңіз жағасында

  • 10.07.2022
  • 0
  • 0
  • 1082
Отырсаң көк теңіздің жағасында,
Қаласың қызыққа бір қанасың да;
Қыз қуып суда жүзген жігіттерді,
Мәз-мейрам мөлдір толқын аясында.
Қыздардың күнге күйген ақ білегі,
Құлаштап көк толқынды қақ бөледі,
Қыз сүнгіп кетсе суға, жігіт дағы
Шыққанын сүңгіп бірге бақ біледі.
Тасқынды бүгін теңіз кәрінде екен,
Жүзгенді аршындатпас арынды екен!
Шалқалап жүзген сонау Элико ма,
Жете алмай қалған біздің Кәрім бе екен?
Ойлап қыз жүзіп ұзақ алқынбасын,
Жайды да көк толқынға алтын шашын,
Ілезде сылаң етіп сұлу бір кез
Ойнақтап шықты суға шарпылғасын.
Аспанның көшкен түйдек ақ бұлтындай
Кек толқын ақ көбігін атты тынбай,
Жағада қоян бүйрек жатты тастар, –
Әжемнің шиге жайған ақ құртындай.
Қыздар кеп қыпша белді, күмбез төсті,
Назданып пан, денесін күнге тосты,
Елестеп шіркін жастық кетті ме әлде,
Көрмегір, көзім соған неге түсті?!.



Пікірлер (0)

Пікір қалдырыңыз

Кей жігіт

  • 0
  • 0

Кей жігіт бізге қолын сермегендей,
Жанымнам өте шығар өрлегендей,
Қарайды неге шіркін шекесінен,
Біз, тіпті, – жігіт болып көрмегендей!

Толық

Кешегі жас достарым

  • 0
  • 0

Кешегі жас дос бүгін тарылып тым,
Бастапты жырын жырлай кәріліктің... –
Жастықты тез өткеріп, кезек беріп, –
Деу де ауыр – кәріліктің нәрін ұқтым...

Толық

Автобуста

  • 0
  • 0

Автобуспен жүріп келем
Асуынан Қаскелең;
Онда толы жігіт-желең,
Отыр уыз жас кілең,

Толық

Қарап көріңіз

Пікірлер