Тілерім

Томсарып тұйық түн өтті,
Таң алды жырды гүл басын
Тамсанып тұрып күн өтті
Тірліктің сұлу тұлғасын!
Өмірден менің тілерім
Көп емес, тіпті аз дер ем,
Тоқталғанша жүрегім –
Жүйткіте жыр жаз дер ем.
Өмірден менің тілерім
Көп емес, тіпті аз дер ем,
Жырмен туған жүрегім
Сайраса елге – наз дер ем.
Қалам ап көңілім толғанса,
Қағазға түссін із дер ем.
Түсетін ізім болмаса, –
Жоқ ізді қайдан іздер ем?!