Тәуелсіздік

Тарихтың жолы-киесі сайын даланың,
Жігерін тіктеп,жайнатқан қыздың жанарын.
Арманы биік асқармен тұрған таласып,
Азаттық деген ақталған қаны бабаның.

Тулайды өлең,жаны жаққа шашар жыр ұшқын,
Қайтадан туып,жанданды ұлы ұлыс күн,
Батысы басса күн нұрын алып баурына ,
Сыймайды шіркін шырмауларына Шығыстың.

Жігерін жағар Құрманғазының күйімен,
Тілдері өткір байсалды мінез биімен
Қазаққа келді арқалап нұрлы таңдарды,
Тәуелсіз деген тәңірдің берген сыйымен.

Жамырлар үнсіз жұлдыз бен айды қара түн,
Мен үшін өлкем өзгеше тілсіз дара тым.
Тәуелсіз мекен тағдыры қазақ халқының,
Қыраны еркін,тұлпары тулап шабатын.

Қалайша маған басқа өлке енді табылмақ,
Ойнақтар бала тұлпар қып шығып арындап.
Тәуелсіз ердің тербеліп алтын бесігі,
Еркіндік таңы тұрсыншы әр кез жалындап!