Тайыр Жароков

Қызыл әскер

Бұл бетте «Қызыл әскер» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.07.2022
0
0
922

Қуат қайнап құйқылжыған қырандар,
Қажыр қайтпас, қырағы қырғи ұландар.
Жауға қаптап,
Шығып сап-сап,
Жеңіп таптап,
Алға аттап,
Табын жақтап батыр ұлан ұрандар.
Болат құрсау, мұздай темір буынып,
Сауытынан түгің шығып, түйіліп,
Көк құрыштан
Жалын шашсаң,
Қорқып дұшпан
Сенен қашқан,
Шынық, жауға жай оғындай шүйіліп!
Жау тиіссе, түнерсе бұлт түн түнек,
Өрт боп жанып, түре қуып дүркірет:
Еңбекші тап,
Ұлдары нақ,
Табын сақтап,
Сақ бол, сақ, сақ!
Күшейе түс бейне күндей күркіреп!
Көк тіреген көк найзаңның ұшына,
Желкілдетіп, туыңды іл ұшыға.
Тауды тессін,
Тастан өтсін,
Торды сөксін,
Талқан етсін,
Атқан оғың жау жүрегін ұшыра!

1928

Тайыр Жароков қызыл әскер Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар