Тайыр Жароков

Мәдениет ошағы

Бұл бетте «Мәдениет ошағы» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.07.2022
0
0
730

(Қазақ, мемлекеттік университетінің бір жылдығына арнап)

Университет мәдениет ошағы,
Нұрлы ғылым алтын бұлақ құшағы.
Санасына құйып сәуле жас ұрпақ,
Қырқылуда надандықтың тұсауы!
Жалшы ұландар, елдің өрен ұрпағы
Өнерге өрлеп, ескілікті құртады.
Надандықтың тор пердесін талқан қып,
Қақ қанатты, шыңға еңбектің сұңқары.
Жалшылар ең табаныңа тас батқан,
Кеше зарлап, көзден қанды жас аққан.
Талпын, бақыт таң сәулеңде шарықта,
Өнерлен тез, жарақтан жас жасақтан.
Өнерлену бүгінгі өрен ұраны.
Өнерлен де бол кезі ашық қырағы,
Университет, жайна мәңгі, ғылымның
Ұшан теңіз, телегей толқын бұлағы.

1929

Тайыр Жароков мәдениет ошағы Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар