Тайыр Жароков

Колхоз даласында

Бұл бетте «Колхоз даласында» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.07.2022
0
0
410

Асқар-асқар, таулы тастар
Зеңгір құзды шалқар көл,
Раушан гүлді,
Самал желді
Далада ескен
Колхоз ел.
Алтын масақ, меруерт шашады
Жайқалды егін қарашы!
Алтынданған,
Толқынданған
Елімнің шат
Даласы.
Таңғы өзендей гүрілдеген
Моторымен комбайн,
Өзі шауып,
Дәнді алып,
Көрдің бе
Тез жайнауын.
Лябиев ер — Комбайнер
Көк моторды Билеткен,
Елдің ұлы,
Күшті қолы,
Ырыс тапқан еңбекпен.
Комбайншы
Жас Лябиев,
Кідірмей оp,
Күшің мол.
— Оp егінді,
Бол егінді,
Сен жігерлі Комсомол!
Алтын самал күнге талас
Комбайн да көсілді.
Шалқар шалғын
Бидайды орып
Алдынан жел Есілді!
Күнге жарқ-жұрқ шағылысқан
Машинаның орағы.
Бидай жиған
Айналдырған
Зырлады
Тіл-қалағы.

1932

Тайыр Жароков колхоз даласында Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар