Тайыр Жароков

Мақаш қала

Бұл бетте «Мақаш қала» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.07.2022
0
0
1171

Поезбенен біз өткенде
Дағыстанның жерінен,
Күміс Каспий құшақ жайды
Мақашқала өрінен.
Поезбенен біз өткенде
Кемерімен Каспийдің,
Орғып жатқан ақ толқынды
Көрдік теңіз тасқынын.
Күн мен Каспий шағылысып.
Көгала бұйра толқыны;
Төсін сүйе шағала ұшып,
Құсқа толған қолтығы...
Сұлу теңіз сырғып ағып,
Ақ көбігін аспанға
Атып жатты, жарын ұрып,
Ұсап інжу шашқанға.
Теңбіл теңіз төңкеріліп,
Тәжім ғып бас игендей,
Күміс толқын паровоздың
Доңғалағын сүйгендей.
Көк теңізді, Дағыстанның
Жерін көрдім бұлғынды.
Толқынынан туғызған зор
Сулаймандай бұлбұлды.

1937

Тайыр Жароков мақаш қала Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар