Өлең, жыр, ақындар

Жасыл орман, жас терек

  • 12.07.2022
  • 0
  • 0
  • 589
Бесжылдықтың жазында
Еңбек дабыл қаққан шақ,
Жыр ғып ақын жазуға,
Елден құнар тапқан шақ.
Жасыл орман, жас терек
Жапырағын жайған шақ.
Ал қызыл гүл еркелеп,
Албырап нарттай жанған шақ.
Кемеліне ел келіп,
Көкке құлаш ұрған шақ.
Таудай істі меңгеріп,
Ер талпынып тұрған шақ.
Темір жолдар құрсаулап,
Жерге шеңбер салған шақ.
Құйылып көктен нұр саулап,
Қыр құмары қанған шақ.
Суда балық ойнаса,
Жерден егін өнген шақ.
Заводта мыс қайнаса,
Елге дәулет келген шақ.
Мұнаралы мұнайға
Шыңырау бұрғы салған шақ.
Шағылып кеннің нұры айға,
Алтынды аптап алған шақ.
Шар айнадай жарқырап,
Көл толқынға толған шақ.
Ақ тандырлы атырап
Жер жаннаты болған шақ.
Көз тартқан жаз көркіңдей,
Ел нұрлана түсер шақ,
Өрлеп өмір өркендей,
Жыр жырлана түсер шақ.



Пікірлер (0)

Пікір қалдырыңыз

Қыздың тамшы көз жасы

  • 0
  • 0

Қыз көзіне жас алар,
Қатты,
я тәтті минутта..,
Дірілдесін қос анар,

Толық

Әлжеке

  • 0
  • 0

Әлжеке, жақпарында жүрек таудың,
Сен жастан қолға қайла, күрек те алдың.
Ержете қайла орнына қалам ұстап,
Таңында тас түлектей түлеп те алдың.

Толық

Сен келдің

  • 0
  • 0

Сен келдің көктем келгендей,
Жаз гүліндей тағы өстің,
Тыншиды жаным тербелмей,
Бірақ сенен алыспын;

Толық

Қарап көріңіз