Октябрьдің немересі

Нық құйылған шын құрыштан
Біздің өмір керегесі.
Қуан, мәңгі бақыт құшқан,
Октябрьдің немересі.
Туған күнін жаңа өмірге
Тойлап жарқын Октябрьдің,
Бақыт құшқан елмен бірге,
Қаһарманы сенсің жырдың.
Бірі — малшы, бірі — кенші,
Бірі — егінші ағаларың.
Еңбекте көп ерлік енші,
Аялаған аналарың.
Тағы көктен бұлтты сөксін,
Шырқап шаттық дауыс бүгін.
Қызыл тудай желп-желп етсін,
Жайнап қызыл галстугың.

1948

---