Өлең, жыр, ақындар

...ға

  • 29.07.2022
  • 0
  • 0
  • 1568
Айыпқа бұйырмассыз жазғанға хат,
Тартпақтап, жатырқарлық емеспіз жат,
Көңіл ашар ләззатпен сөз жазысып,
Сізден басқа жоқ болды білер бекзат.
Болса да сізден басқа көп сәулемдер,
Хат жазып, мұсылманша оқу білер.
Бірақ аз сізден өзге ғылымдысы,
Зер жайын зергер білер көңілі шебер.
Жобамен жаздым сізде бар деп зейін,
«Сыйға сый, сыраға бал» дегендейін,
Жылы сөз қайырсаңыз бір-екі ауыз,
Жазар ем көңіл сырын бұдан кейін.
Жақсы қыз кісі көңілін қалдырмаған,
Адамға ішкі сырын алдырмаған.
Миуасың гүл бақшада желкілдеген,
Ешкімге құрғақ көңіл шалдырмаған.



Пікірлер (0)

Пікір қалдырыңыз

Мұң

  • 0
  • 0

Қалғанда тар лақатта жалғыз өзім,
Жан кетіп жұмылғанда екі көзім.
Айрылған тән мен жандай қаларсың сен,
Жалындай жүрек жарған мұңлы сөзім!

Толық

От арба терезесінен

  • 0
  • 0

Шайқайды ырғап сүйреп алға,
Жүйрік поезд арбасы.
Жұрт далаға қарасады,
Терезеден жармасып.

Толық

Үгіт

  • 0
  • 0

Ағайынның, алаштың
Көбі-ақ саған қас шығар.
Мұз боп қатып жүрегің,
Қалған көңілің тас шығар.

Толық

Қарап көріңіз