Біздің құрал – Сәкен Сейфуллин

Бұл бетте «Біздің құрал» атты Сәкен Сейфуллин жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 29.07.2022
  • 0
  • 0
  • 1253
Біздің құрал
Жаудікіндей шон емес.
Біздің құрал
Жалғыз ғана оқ емес.
Созса тырнақ,
Құлы қылмақ,
Желкеге ұрмақ,
Жауға қарсы
Атар оқ та жоқ емес...
Біздің құрал — Маркс
— Ленин ұраны,
Қанау тапқа
Қарсы, шындық тұраны,
Біздің құрал,
Жауды қырар,
Мәңгі тұрар,
Біздің құрал —
Құралдың зор құралы...
Жау құралы
Бізді жеңер құрал ма!
Біздің флот
Қорқып бетін бұрар ма?
Ленин — туда,
Ленин нуда,
— Жерде, суда
Бізге қарсы
Шыдап дұшпан тұрар ма!..
Ленин қолын
Алға сілтеп созып ед,
Біздің флот
Жауды атқылап озып ед,
Майдан қызып,
Жауды бұзып,
Шебін үзіп,
Құрсаған жау,
Быт-шыт болып тозып ед.
Еңбекші елдің
Кегін жауға татырдық
Мырш топты
Дәлдеп ылғи қатырдық.
Жау уласты,
Тітіреп састы,
Оттан қашты,
Сан кемесін
Быт-быт қылып батырдық.
Жау
Уласты,
Жау
Шуласты,
Састы.
Қашты...


Пікірлер (0)

Пікір қалдырыңыз

Жиі қойылатын сұрақтар

Біздің құрал өлеңінің авторы кім?

Сәкен Сейфуллин — осы өлеңнің авторы.

Біздің құрал өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Біздің құрал өлеңі не туралы?

Бұл өлеңде Сәкен Сейфуллин өз ойы мен сезімін көркем түрде жеткізеді.

Біздің құрал өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері