Өлең, жыр, ақындар

Бұлшық ет

  • 05.08.2022
  • 0
  • 0
  • 2771
Боянған түрлі шырайлы
Сұлу емес, сырлы бет;
Ширатылған түйіндей
Шын сұлу — күшті бұлшық ет.
Тоқпақтай түйін бұлшық ет,
Әлемді күшке қаратқан:
Сан керемет машина
Күшімен ол таратқан.
Тоқтатпай күш жирылып,
Қозғалса ойнап бұлтылдап,
Ширатылып түйіндей
Жазылып жылдам жылпылдап.
Балғын білек, балтыр да
Ширатылған түйіндей,
Бұлтылдаса бұлшық ет —
Кім тұрады сүйінбей...
Көк темір құрыш болатпен,
Асусыз асқар тау кешкен;
Тас қопарып, жер үңгіп,
Шыңырау қазып, жер тескен.
Шыңыраудан қазып қопарып,
Шығарған болат көк темір.
Мыс, күміс, алтын, қорғасын,
Жер майы, алмас, тас көмір.
Аспанға ұшып су кешіп,
Дүние айналып қыдырған.
Темірден құйып жол салып,
Жер қыртысын сыдырған.
Түйіні тоқпақ бұлшық ет
Аюды да үйреткен.
Бұғалық салып сүйретіп,
Омыртқасын күйреткен.
Айғырдың тоқпақ жалындай,
Бөкеннің серке санындай,
Қайыңның қырған безіндей,
Шортанның жұмыр беліндей,
Ширатылып түйілген,
Болаттай күшпен иілген,—
Бұлшық етті білек пен
Балтырдан күшті дене жоқ!

1923 жыл, 8-сәуір



Пікірлер (0)

Пікір қалдырыңыз

Пролетариат

  • 0
  • 0

Билеген шаттық өмірді,
Күн де бүгін көңілді,
Толқындап жел келеді,
Әлдекімнің өлгенін,

Толық

Мұзды тау

  • 0
  • 0

Мұзды тау мұнарлы ойға шомып батқан,
Зәрлі алған көкірегінде мұз боп жатқан.
Кеудең мен жүрегіңді сұп-суық қып,
Суық мұз жібіместей мәңгі қатқан.

Толық

Қозы Көрпеш

  • 0
  • 0

Орманбеттің аттанған он сан ноғай,
Біреуінің ақылы он сан қолдай.
Мұзтауына екі хан келді көшіп
Ертістегі орысқа бодан болмай.

Толық

Қарап көріңіз