Айгүл Қадыр

Бұл көктемді мен саған ертіп барам

Бұл бетте «Бұл көктемді мен саған ертіп барам» атты Айгүл Қадыр жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

aiguluzunata
02.12.2022
0
0
1369

Жасыл нұрға боялған дала мынау,
Күміс шықтан күлкі іздеп салам сұрау.
Гүл аңқыған әлемге арбалам да,
Тағы ғашық, мен осы боламын-ау!

Құлағымда құйқылжып тамшы әні,
Жауын төгіп, сезімді қамшылады.
Көк иісіне масайып менің санам,
Жапырақ боп жап-жасыл жаншылады.

Сәукелесін киеді сәулелі күн,
Концерт беріп құстар да әуре бүгін.
Құрақ кілем құлпырған төсенеді,
Алақанда өсіріп тәубе гүлін!

Сәнденіп тұр ырғалып кербез көктем,
Жас сұлудай жүзінен самал өпкен.
Гүлі-лағыл, шөбі-зүмрүд, суы-гаухар,
Жанарымды жауласа жоқ-ау өкпем.

Жүрегімнен жыр ұшты тарам-тарам,
Елтіп кеттім еріксіз болмай шарам.
Көргің келсе, керемет, шақыр мені,
Бұл көктемді мен саған ертіп барам.
Айгүл Қадыр

көктем бұл көктемді мен саған ертіп барам. Айгүл Қадыр өлеңдері. aiguluzunata өлеңдері бұл көктемді мен саған ертіп барам aiguluzunata өлеңдері

Пікірлер (0)

Пікір қалдырыңыз

Жиі қойылатын сұрақтар