Өлең, жыр, ақындар

Сағынатын кімім бар

  • 21.12.2022
  • 0
  • 0
  • 795
Сағынатын кімім бар енді менің,
Əлімсақтан несібем кем білемін.
Қара басқан жасынан қаралымын,
Емдеу үшін келгенмін ел жүрегін.

Сағынатын кімім бар, анам бар ма?
Амал бар ма, ерте алды анамды Алла?!
Туған жерге жиілеп барғым келед(і),
Кім құшағын жайып тұр маған онда.

Сағынатын кімім бар əкешім бе?
Кешіретін қалт ісін, қатесін де.
Барсакелмес еліне ол да кетті,
Ол да кеткен келмеске сəт есімде.

Сағынатын кімім бар ата ма еді,
Аузында Алла ұстанған ата жолы.
Қолда құман, иықта сүлгім ілген,
Су құйғанда айтатын батаң оңды.

Сағынатын кімім бар, əже, сіз бе?
Өзгеше əлем ұсынған əдемі ізге.
Бар тəттіні уыстап тығып беріп,
Тастап кете бардыңыз неге сіз де.

Сағынатын кімім бар, ағам бар ма,
Жағамды алса негізсіз алаңдауға.
Алаңдауға мен тіптен тырыспаушы ем,
Оны көптік көріпті маған да Алла.

Сағынатын кімім бар, қарындас па,
Маған тағдыр жазбапты бəрін баста.
Ал ендігі өмірім өтіп жатыр,
Аруласқа қарайлап, бауырласқа.



Пікірлер (0)

Пікір қалдырыңыз

Таң қарайды

  • 0
  • 0

Тіршілігі тынды да таң қарайды,
Мен құшақтап отырмын заңғар айды.
Түнде менде тынымсыз тіршілік бар,
Бірақ оны көбісі аңдамайды.

Толық

Бақыттырақсыз

  • 0
  • 0

Жарығым сөніп мына түн енді,
Айта алмай іштен тынамын енді.
Өзімнен өзім оңаша қалып,
Ағыл да тегіл жылағым келді.

Толық

Анашым...

  • 0
  • 1

Анашым...
Екен ғой тағдырым тарасым.
Уақыт өмірдің өлшемі,
Меңзейтін өлімнің арасын.

Толық

Қарап көріңіз