Өлең, жыр, ақындар

Сейтен сарыны

  • 06.01.2023
  • 0
  • 0
  • 550
Елестеп сонау жырақта,
Есілде – Балуан ауылы.
Құяды бір сыр құлаққа
Сейтеннің ұлы сарыны.
Дулатып өткен Шал ақын
Даладан теріп даналық.
Сабырлы сазбен ағатын
Жанында дария бары анық.
Қаршадай бала күнінен
Көзінде шоғы қоздаған,
Жүрегі ғибрат нұрымен
Тоқсанға дейін маздаған.
Сейтеннің сүре сарыны
Тағылым сырын ұқтырар.
Сақара кезіп сағымы,
Шәкірттер мың сан тік тұрар.
Ұлықтап ұлттың мұратын,
Ұлы ұстаз солай ұтады.
Сақтайды мәңгі қуатын
Сейтеннің сары кітабы.
Тал бойың зифа тектілік,
Кішік боп өткен кемеңгер.
Лайықты төрден шет тұрып,
Жайың жоқ сенің төмендер.
Өртенген өлең күлінен
Ізтөлин Баймағамбеттің,
Оянған ақын жырымен
Феникс құстай әндеттің.
Таусылмас әсте мәңгілік
Тағылым қазған, ей, кенім,
Санамда жүрші жаңғырып,
Сары алтын дана Сейтенім!..



Пікірлер (0)

Пікір қалдырыңыз

Зеренді көлі

  • 0
  • 0

Зеренді көлдің түбінде
Жатады жайқын бір жылан.
Есіткен бала күнімде
Ғажабын соның жыр қылам.

Толық

Екі арман

  • 0
  • 0

Айырық жолдар айырған,
Арасы алшақ екі арман –
Жүздерін жылы мұң жауып,
Жағаны кезіп құмдауыт,

Толық

Қолда, Құдай, түрік ұлын!

  • 0
  • 0

Қара теңіз шайқалады,
Айтар әні толқын атып.
Ақ теңізім қайталады
Сол бір күйді буырқантып.

Толық

Қарап көріңіз