Өлең, жыр, ақындар

Самұрық құс жылады

  • 09.01.2023
  • 0
  • 0
  • 1130
Самұрық құс жылады,
Кеше...
Жаңбыр...
Ескі лашық маңынан еседі ән жыр.
Жеті ықлым жайында күй тыңдайды,
Жетім шырақ нұр құсып көшеде әрбір.
Сансыз қылмыс жасырып жалаңаш түн,
Өзімді өзім өзімнен ала қаштым.
Дауыл тұрды екпіні бет қаратпай,
Жерге тиіп бұтағы нән ағаштың.
Ысқырық жел басылып...
Қос балапан,
Тағдырына бір тағдыр тосты алақан.
Сол жайында көбірек күбірлейтін,
Өріміне өмірін қосқан атам.
Самұрық құс күліпті...
Қар жауды ерке,
Жамылды әппақ дүние ардан көрпе.
Күлкі жауған түн бүгін...
Қандай ғажап,
Жазбай тұра тұрайын жалғанды ерте.
Самұрық құс күліпті!...



Пікірлер (0)

Пікір қалдырыңыз

Көктем маған қыста келген

  • 0
  • 0

Көктем маған қыста келген,
Жазға тағы жүзім жат.
Жырларымды құсқа берген,
Күбірлейді күз ұрлап.

Толық

Бебеулетіп сағыныш домбырасын

  • 0
  • 0

Бебеулетіп сағыныш домбырасын,
Бейнесі жоқ бір ғұмыр болдыратын.
Қайнар бастау басына кешке таман,
Ат суарып келеді сол бір ақын.

Толық

Ғайыптың құсы

  • 0
  • 0

Арманым асыл бейне, ерке қылық,
Елесіңді желге айтам ертегі қып.
Сарғайған жапырақтан нөкер ертіп,
Түн сайын жоқ қараймын, бөрте мініп.

Толық