Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Ерлан Аманқожаұлы

Төгіліп түсіп сарғыш айдан бұрым

Бұл бетте «Төгіліп түсіп сарғыш айдан бұрым» атты Ерлан Аманқожаұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

17.01.2023
0
0
974

Төгіліп түсіп сарғыш айдан бұрым,
Сиқырланып ағады Қайнар бүгін.
Ей, менің елжіреген ақ жүрегім,
Ей, менің мөлдіреген қайран жырым.
Ғашық болып бір ақын,
Ал, тағы бір
Дүр туып таққалы жүр алқалы жыр.
Қайталанбас мұғжиза сыйлап кетті,
Қайғысы да сұп-сұлу қалқа ғұмыр.
Қаланып махаббатқа кесек тұғыр,
Кеше сенде ғаламат кеш өтті бір.
Ақ маржан тұмаңды ішіп қымбаттады,
Арзан күлкі...
Айтылмай өсек, күбір...
Аңызға бай...
Өлеңге ақылды аймақ,

Ақын болғым келеді атыңды ойлап.
Сімірейін суыңнан...
Басар ма екен?
Жүрегімде жанартау жатыр қайнап!

Ерлан Аманқожаұлы төгіліп түсіп сарғыш айдан бұрым Ерлан Аманқожаұлы өлеңдері

Пікірлер (0)

Пікір қалдырыңыз

Жиі қойылатын сұрақтар