Өмірлік серігім

Өмірлік серігімсің
бірге өткен сынақтардан
Сен менің елігімсің
бір көріп ұнап қалған.

Өзіңе ынтызармын
бағымсың тұрақтаған.
Жылдарым сүйген сені
ерекше қымбат маған.

Жас кезің әлі есімде
кездескен гүл бақтарда.
Жаздың сол бір кешінде
өзіңе сырды ақтарған.

Сол нәзік сезімді біз
өткізіп мол шақтардан.
Суретте көрікті қыз
жүректе тұр сақталған.
Ержан Қабышұлы