Өлең, жыр, ақындар

Байтақ өлкем, сен жаса

  • admin
  • 27.12.2023
  • 0
  • 0
  • 247
Сырып тастап қараңғылық көрпесін,
Таң сәулесі аймалайды жер төсін.
Таң нұрындай тұтас сүйіп­-құшсам­ау,
Туған елдің таңғажайып өлкесін!
Ойхой, менің тақсіретті тау-далам,
Шаршап­талып жеттің аман­-сау маған.
Мен сендердің пора-пора көз жасың,
Бұлттарыңның бауырынан саулаған.
Қамқорларым, сендер барда дін аман,
Сәбиіңмін хабары жоқ күнәдан.
Разымын құшағыңда көз жұмсам,
Әр төбеңді тастамастан дұғадан.
Сендер бүтін тұрған кезде ел де аман,
Жыртылмайды ешқашанда жең­ жағам.
Шалқып жүрер менің ұлы шаттығым,
Құстарыңның қанатында самғаған.
Жылап жатқан жүрегімді уатқан,
Айналайын үстіңдегі шуақтан.
Көтерілем шыңыраудан шың болып,
Топырағыңнан алған титтей қуаттан!
Көз алартып саған дұшпан қараса,
Аспан асты тартар маған аласа.
Мың үшкіріп, садақаңа берейін,
Шыбын жаным керегіңе жараса!
Мен жасайын, байтақ өлкем, сен жаса,
Қор болмаспын қасиетің қолдаса.
Бұйырмайды маған бақыт ұшқыны,
Ең алдымен сенің бағың жанбаса!..



Пікірлер (0)

Пікір қалдырыңыз

Жүрек толғауы

  • 0
  • 0

Өткеннің орны толмайды,
Өкініп жүрек толғайды.
Батасыз құлдар болғанмен,
Атасыз ұлдар болмайды.

Толық

Сырғып қайда барасың, сырлы айларым

  • 0
  • 0

Сырғып қайда барасың, сырлы айларым,
Сырлы айларым –
Сыңсыған сырнайларым.
Мәрмәрларым, менен де кеттіңдер ме,

Толық

Қара ниет қар боратса...

  • 0
  • 0

Жағам бүтін көрінгенмен, жырым­-жырым балағым,
Оған бола мүсіркеме, жабырқама, қарағым.
Балақ тұр ғой, шұрық-тесік толып жатыр балтырда,
Кесірінен қабағанның тісі батқан жараның.

Толық

Қарап көріңіз

Пікірлер