Ескен Елубаев

Қырықаяқтың күйі

Бұл бетте «Қырықаяқтың күйі» атты Ескен Елубаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
29.12.2023
0
0
361

Көпшiлiктiң жүретiн
Мазағы боп,
Қырықаяқтың көрмеген
Азабы жоқ.
Тұрмыс нашар, жетедi
Қай жағына:
Қырық бəтеңке алған соң
Аяғына.
Бауын байлап, кигенше
Күн батады,
Бауын шешiп, жатқанша
Таң атады.
Көптiгiнен аяқтың
Күйi қашар,
Қырықаяқтың көретiн
Күнi нашар,
Не қонаққа, не тойға
Бара алмайды.
Аяқ киiм сыймас деп
Алаңдайды.
Баласы бар, қызы бар,
Жұбайы бар,
Үйi толы бəтеңке,
Құдайым-ай.
Мен айтайын егерде,
Бiлмесеңiз,
Аяқ киiм үйiнде
Бiрнеше жүз!
Сонда да ол мойымай
Тəубе етедi:
Тiрi болып жүргенге
Не жетедi...

Ескен Елубаев аңыз балаларға арналған аңыз қырықаяқтың күйі Ескен Елубаев өлеңдері

Пікірлер (0)

Пікір қалдырыңыз

Жиі қойылатын сұрақтар