Өлең, жыр, ақындар

Теңестіру

  • admin
  • 29.12.2023
  • 0
  • 0
  • 277
Жойылса егер бұл өмірден бір қиянат күншілдік,
Қиянат пен күншілдікке айналар бір шыншылдық.
Теңестірген таразының қос табағы секілді,
Жамандық пен жақсылықтың өлшемі бір кесінді.
Әділеттің барлығына әркімдер де сенеді-ақ,
Шын көзінді жеткізуге бір қиянат керек-ақ.
Бұл өмірде ешбір нәрсе жаралмаған тақ болып,
Бір жер жатса шөл дала боп, бір жер жатыр бақ болып.
Ара екеш араның да у мен балы барабар,
Бір күн күлсең, бір күн қайғы жүрегіңді жаралар.
Көңіл екеш көңілде де, үміт, күдік аралас,
Күдік түрткі болмаса егер – үміт түкке жарамас.
Бүгін толып, ертең солсаң тіршіліктен безінбе,
Бүгін солып, ертең толсаң шел бітпесін көзіңе.
Ассаң дағы, тассаң дағы сақта адамдық арыңды,
Бұл қасиет нұрландырар сенің мәңгі таңыңды.
Бұлтты күні бұқпантайлап, шуақта ашсаң төсіңді,
Тірі болып жүрудің де қажеті жоқ секілді.



Пікірлер (0)

Пікір қалдырыңыз

Құдіреті шексіз Алла

  • 0
  • 0

Шексіз әлем он сегіз мың ғаламды,
Жаратушы жан-жануар, адамды.
Құдіреті шексіз Алла, ғұмыр бер,
Қуат бергін жарқыратып санамды.

Толық

Мен қазақпын, өлген жоқпын

  • 0
  • 0

Мен қазақпын,
Өлген жоқпын.
Мың өліп, мың тірілер
Шыбын-шіркей,

Толық

Ақбоз атты батыр

  • 0
  • 0

Астан-кестен от жалын жер мен көктің арасы,
Не боп кеткен Ресей, қайда қала, даласы?
Өлі дене жол бойы, бода-бода босқындар,
Қанталаған үрейден көздерінен шарасы.

Толық

Қарап көріңіз