Өлең, жыр, ақындар

Күз суреттері

  • admin
  • 03.01.2024
  • 0
  • 0
  • 342
Сарғыш тартып барады жапырақтар,
Салқын тартып барады атыраптар.
Құстар даусы қияннан естіледі,
Қайда кетіп барады, бақылап қал.
Жаздың жұтқан жауқазын салтанатын
Қай мезгіл ең күрсініп қарсы алатын?
Гүлдер қайда көркіне тамсанатын,
Құстар қайда, сәріде ән салатын?
Сұрғылт аспан, сұр дала, сүреңсіз бақ,
Көзге суық көрінер кіл өңсіз жат.
Жастық шағын аңсаған қарт секілді,
Табиғаттың жүрегі тұр-ау сыздап.
Осы ма еді, япыр-ау, күз дегенің,
Сағат санап, күн санап іздегенім.
Іздегенім жаз еді, көктем еді,
Көктем, жаздың көк торғын үзбе демін.
Қайта көктеп сарғайған жапырақтар,
Қайта түлеп, гүл атсын атыраптар.
Көктем туып, құс қайтып келер тағы,
Көктің жүзін тілгілеп жасын оттар.



Пікірлер (0)

Пікір қалдырыңыз

Қанатың тала көрмесін

  • 0
  • 0

Қанатың тала көрмесін,
Маңдайың мейлі терлесін.
Жігерлі менің жерлесім,
Жалынды менің жерлесім.

Толық

Сынайсың ба?

  • 0
  • 0

Сынайсың ба, кел маған сүрінгенде,
Досың кетіп, дұшпаның түңілгенде?
Кім болсаң да көтерем сеніменен,
Саған түскен тағдырдың жүгін мен де.

Толық

Опасыз жалған дүние

  • 0
  • 0

Опасыз жалған дүние,
Дүние үшін күйіне берме, күйіне.
Қонақ екеніңді ұмытпа,
Өзіңнің тіптен үйіне.

Толық

Қарап көріңіз