Өлең, жыр, ақындар

Өзгеріс жоқ менің байтақ жерімде

  • admin
  • 05.01.2024
  • 0
  • 0
  • 511
Өзгеріс жоқ менің байтақ жерімде,
Сау-саламат туып-өскен жерімде.
Болмағандай Шыңғысхан мен Батихан,
Болмағандай Ескендір де, Темір де.
Қалпында тұр өзен, көлім, тауларым,
Жайқалып тұр жасыл бақша, бауларым.
Ойран салған қасиетті жеріме,
Қайда сенің, қайда менің жауларым.
Шұбырынды ақ табан да болмаған,
Халық та жоқ қашып-пысып сорлаған.
Көрінбейді Қаратаудан асқан көш,
«Елім-ай!» – деп неге бірақ толғанам.
Ұмыт болды не бір хандық, патшалық,
Ғайып болды ғимарат та, тас та ағып.
Неге бірақ естен шықпай сол бір ән,
Айтқан сайын кетер көзден жас тамып.



Пікірлер (0)

Пікір қалдырыңыз

Дауылпаз көкте саңқылдап

  • 0
  • 0

Дауылпаз көкте саңқылдап,
Туласа толқын теңізде.
Жанарың мұңлы жарқылдап,
Жанымның оты, мені ізде.

Толық

Дүние көз тойғысыз көрікті екен

  • 0
  • 0

Дүние көз тойғысыз көрікті екен,
Мен, бәлкім, құштарлықтан өліп кетем.
Ойнақтап ортекедей отын басып,
Бір ауық болмайды екен желікпесем.

Толық

Қара арғымақ арыса

  • 0
  • 0

Қара арғымақ арыса,
Қарға адым жер мұң болар.
Кәріліктен, жоқтықтан,
Кәдірлі басың сұм болар.

Толық

Қарап көріңіз