Өлең, жыр, ақындар

Япырмай

  • admin
  • 07.01.2024
  • 0
  • 0
  • 635
Япырмай, жетпіс жасқа кеп қалдым ба?
Талай көш көз ұшында кетті алдымда.
Біртіндеп көкжиекке сіңіп жатыр,
Жетуге көкжиекке көп қалды ма?
Көштен-көш көкжиекке сіңіп жатыр,
Кімді-кім, беу дүние-ай, біліп жатыр.
Шыққандар бұл фәнидің есігінен,
Бақидың бесігінде шіріп жатыр.
Кімді-кім, беу дүние-ай, біліп жатыр,
Біреу жылап, біреулер күліп жатыр.
Өзегі талып аштан жатса біреу,
Біреу ат, біреу таққа мініп жатыр.
Бұл фәни болжата ма келер күнін,
Кім білер басқа қатер төнер күнін.
Қызығы қалмас еді бұл жалғанның,
Білсе адам сөнер күнін, өлер күнін.
Мен де жетіп қалыппын жетпісіңе,
Жетпіс жас оңай тимес көп кісіге.
Жалыны жүз жаста да сөнбес бірақ,
Адамның сүйегі асыл тектісінде.



Пікірлер (0)

Пікір қалдырыңыз

Көп дегенім болса да

  • 0
  • 0

Көп дегенім болса да,
Дөп дегенім болмады.
Бақыт шіркін қонса да,
Көңіл шіркін толмады.

Толық

Қойса ба деймін өлеңді

  • 0
  • 0

Қойса ба деймін, құрысын, осы өлеңді,
Өртеніп біттім, өртеген отым, сөн енді.
Бар-жоқты шатып, тып-тыныш жатып үйімде.
Жазсам ба деймін, роман, повесть дегенді.

Толық

Асуын бердің Құлжаның

  • 0
  • 0

Асуын бердің Құлжаның,
Ырғағын бердің Біржанның.
Пейілімді туа тарылтпай,
Пейілін бердің мырзаның,

Толық

Қарап көріңіз