Өлең, жыр, ақындар

Ең тəтті мен ең ащы

  • admin
  • 28.02.2024
  • 0
  • 0
  • 463
– Ең, ең тəтті не өмірде? –
Деп сұрап едім мен бірде,
Балалар бірден ойланбай,
Келісіп бəрі қойғандай:
Шулады тегіс:
– Бал! – деді, –
Басқа енді не бар?– деді.
Содан соң бəрі жабыла:
– Ол кəмпит! – деді тағы да.
Содан соң бəрі жабыла:
– Ол қант! – деді тағы да.
Əйтеуір ойлап тапты ғой,
Жақсы сөз – ең тəтті ғой.
– Ең, ең ащы не өмірде?
Деп сұрап едім мен бірде.

Балалар тағы іздеді,
Бірі:
– Ең ащы тұз!– деді.
Біреуі:
– Жуа!– деп жатыр,
Біреуі:
– У ма?– деп жатыр.
Таппағаннан соң өздері
Сұрап еді кеп əжемнен:
– Ең ащы: – жаман сөз!– деді.



Пікірлер (0)

Пікір қалдырыңыз

Əдеп –жақсы əдет

  • 0
  • 0

Түнде көзі ілінбейді,
Қорқақ бала дірілдейді.
Жылаумен күн батырады,
Жылауықтар бақырады.

Толық

Амандасу

  • 0
  • 0

Үлкенге де, кішіге
Өте шықпай шалқайып,
Ізет етсең кісіге,
Қалмай ма өсіп, марқайып?!

Толық

Айдаһарды арбау

  • 0
  • 0

Жағып күймен отты да,
Табады екен жоқты да.
Жыршы, күйші, көріпкел,
Би де бопты Кетбұға.

Толық

Қарап көріңіз