Өлең, жыр, ақындар

Саясы жоқ бəйтерек

  • admin
  • 09.08.2024
  • 0
  • 0
  • 835
Саясы жоқ бəйтерек
Саздауға біткен талмен тең.
Жақсы ағаңыз бар болса,
Алдыңда сары белмен тең,
Ағайының көп болса,
Ұлық бір шеру қолмен тең.
Ақылсызға сөз айтсаң,
Алды бір тұйық жармен тең.
Молдадан сабақ алсаңыз,
Алуа, шекер балмен тең.
Пайдасы жоққа жалынсаң,
Семіз бір жемқор малмен тең.
Жақсы қатын алсаңыз,
Алланың жауған нұрмен тең.
Жаман қатын алсаңыз,
Маңдайға біткен сормен тең.
Уайымшыл жігіттің
Кең дүниесі тармен тең,
Уайымсыз жігіттер
Қара бұлан нармен тең,
Жетесі жаман жігіттер
Тоқсандағы шалмен тең.
Жаманнан көрген қорлығың
Көкірекке біткен шермен тең.
Бір қалған соң көңілің
Қаңтарда қатқан мұзбен тең.



Пікірлер (0)

Пікір қалдырыңыз

Адамзат тірісінде мал жияды

  • 0
  • 0

Адамзат тірісінде мал жияды,
Мал түгіл үкім келсе жан қияды.
Жеті атасын білмеген обал дейді
Шал Құлекеұлы

Толық

Біз-дағы келіп қаппыз елулерге

  • 0
  • 0

Біз-дағы келіп қаппыз елулерге,
Ілгері көз саламыз керуенге.
Алпыс барсаң, жетпіс тұр көлденеңдеп,
Шал Құлекеұлы

Толық

Біреудің баласы өлгенде айтқан жұбату

  • 0
  • 0

Біреудің баласы өлгенде айтқан жұбату
Қуаныш қайғыменен жұбай дейді,
Үнемі қуанбассың ұдай дейді,
Шал Құлекеұлы

Толық

Қарап көріңіз