Мәз болады болысың
- 1
- 10
Мәз болады болысың,
Арқаға ұлық қаққанға,
Шелтірейтіп орысың,
Шенді шекпен жапқанға.
Мен көрдім ұзын қайың құлағанын
Мен көрдім ұзын қайың құлағанын,Бас ұрып қара жерге сұлағанын.
Жапырағы сарғайып, өлімсіреп,
Байғұстың кім тыңдайды жылағанын?
Мен көрдім ойнап жүрген қызыл киік,
Кеудесіне мылтықтың оғы тиіп,
Қалжырап, қансыраған, қабақ түскен, —
Кімге батар ол байғұс тартқан күйік?
Мен көрдім сынық қанат көбелекті,
О дағы білер өмірді іздемекті.
Күн шуаққа жылынар қалт-құлт етіп,
Одан ғибрат алар жан бір бөлек-ті.
Мен көрдім ғашық жардан уәдесіздік,
Өмірдің қызығынан күдер үздік.
Жылы жүрек суыды, жара түсті,
Шықпаған шыбын жанмен күн өткіздік.
Мен көрдім дүние деген иттің көтін,
Жеп жүр ғой біреуінің біреуі етін.
Ойлы адамға қызық жоқ бұл жалғанда,
Көбінің сырты бүтін, іші түтін.
Пікірлер (11)
Пікір қалдырыңыз
Ғашықтық іздеп тантыма
- 1
- 4
Ғашықтық іздеп тантыма
Аз күн әуре несі іс?
Өзіңнің қара артыңа,
Өткен өмір бейне түс.
Ата-анаға көз қуаныш
- 1
- 12
Ата-анаға көз қуаныш –
Алдына алған еркесі.
Көкірегіне көп жұбаныш,
Гүлденіп ой өлкесі.
Farabi
Мен көрдім дүние деген иттің көтін,
Жеп жүр ғой біреуінің біреуі етін.
Ойлы адамға қызық жоқ бұл жалғанда,
Көбінің сырты бүтін, іші түтін. дейтін адам - "О қазақ халқым" дейді ма?
Ару
Абай Құнанбаевтың өлеңдері мағыналығой
Омар
Абайды түсіну үшін, азда болса иман, адалдық, ізгілік керек.
Алуа
Маған жарысқа қатысуға осы жаттауды берген еді,бірақ көт деген жерін айтқым келмейді
Асыл
Алуа көт деген жерін арты деп айта берсей
Olzhas Ziyabekuly
Абайды әр өлеңінің әр сөзінің мағынасы тереңғой шіркін
Радик
Абай өлең,сөздің пірі ғой
Алмат
«Мен көрдім ұзын қайың құлағанын» — Абай Құнанбайұлының жүрекке үңілткен, терең ойлы өлеңі. Ақын табиғат көрінісі арқылы адам өмірінің ауырлықтары мен сырлы сезімдерін керемет жеткізген .
Нышнбек
Мен көрдім дүние деген иттің көтін,
Жеп жүр ғой біреуінің біреуі етін.
Ойлы адамға қызық жоқ бұл жалғанда,
Көбінің сырты бүтін, іші түтін.- деген Абай "О қалың елім қазағыым"- дей ме ?
Нышанбек
укм
Дәурен
Абай Құнанбайұлының «Мен көрдім ұзын қайың құлағанын» деген өлеңі мені терең ойға жетеледі. Бұл туындыда табиғаттың көріністері мен адам жүрегінің сырлары шынайы әрі әсерлі суреттелген. Қайыңның құлауы, киіктің зардап шегуі, қанат сынық көбелектің өмір іздеуі — барлығы өмірдің өткіншілігі мен адам тағдырының нәзіктігін сезіндіреді.
Абайдың бұл өлеңі қазақ поэзиясының бай тілін, терең философиясын көрсете отырып, адам қарым‑қатынасы мен іс‑әрекеттің мәнін қайта ойлауымызға негіз береді. Оқып отырып, әрбір образдың астарында ерекше мағына жатқанын түсінесің, бұл — нағыз классикалық қазақ әдебиетінің таланты.
Осындай мағыналы, ойлы өлеңдерді көптеп оқыған сайын тіліміз бен рухани құндылықтарымызға деген құрметіміз арта түседі. Қазыналы қазақ поэзиясын сүйетін әр адамға бұл туындыны оқып, ой бөлісуге кеңес беремін! ❤️