Өлең, жыр, ақындар

Саясы жоқ бəйтерек

  • admin
  • 09.08.2024
  • 0
  • 0
  • 832
Саясы жоқ бəйтерек
Саздауға біткен талмен тең.
Жақсы ағаңыз бар болса,
Алдыңда сары белмен тең,
Ағайының көп болса,
Ұлық бір шеру қолмен тең.
Ақылсызға сөз айтсаң,
Алды бір тұйық жармен тең.
Молдадан сабақ алсаңыз,
Алуа, шекер балмен тең.
Пайдасы жоққа жалынсаң,
Семіз бір жемқор малмен тең.
Жақсы қатын алсаңыз,
Алланың жауған нұрмен тең.
Жаман қатын алсаңыз,
Маңдайға біткен сормен тең.
Уайымшыл жігіттің
Кең дүниесі тармен тең,
Уайымсыз жігіттер
Қара бұлан нармен тең,
Жетесі жаман жігіттер
Тоқсандағы шалмен тең.
Жаманнан көрген қорлығың
Көкірекке біткен шермен тең.
Бір қалған соң көңілің
Қаңтарда қатқан мұзбен тең.



Пікірлер (0)

Пікір қалдырыңыз

Кәрілік туралы

  • 0
  • 0

Ұлғайып қартаяды жастан адам,
Әуелі қартаяды бастан адам.
Жеткенін кәріліктің ескермейді,
Көңілі өсіп, мейманасы асқан адам.

Толық

Кәрілік

  • 0
  • 0

Кәрілік
Ұлғайып, қартаяды жастан адам,
Жас қартайса қалады астан адам,
Шал Құлекеұлы

Толық

Кедейлік туралы

  • 0
  • 0

Кедейлік туралы
Кедейдің үш түрі бар ойлағанға,
Байлық жоқ қанағатсыз тоймағанға.
Шал Құлекеұлы

Толық

Қарап көріңіз