Нар тұлға

Абырой тауып еңбектен,
Аянбай ащы тер төккен.
Жері мен елін ардақтап,
Нұрекем сынды ер өткен.
Бәйтерек биік дара боп,
Ауылы өскен қала боп.
Шаруаның жайын ойлайтын,
Ақылы дария дана боп.

Қайырмасы:
Өшпейтін даңқы,
Шын сүйген халқы нар тұлға
Ар-намыс бәрі
Елінің әні Нұрмолда.

Жақсыға жайсаң дос болған,
Жалқауға жаман қас болған.
Ер қайда шіркін, жұртына,
Ақылымен бас болған.

Дара тұлға пірім-ай,
Маңдайға біткен ірім-ай.
Жарқырап ісі сөнбеген
Өлмеген көзі тірім-ай.

Қайырмасы:

Өшпейтін даңқы,
Шын сүйген халқы нар тұлға
Ар-намыс бәрі
Елінің әні Нұрмолда.

---