Шот-Аман Уәлиханов

Әсемдікке бодым пенде

Бұл бетте «Әсемдікке бодым пенде» атты Шот-Аман Уәлиханов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
01.09.2024
0
0
267

Үлбіреген нәзік жаным,
Арқалаған сезімді.
Көп нәрсеге алданамын,
Ұстай алмай өзімді.
Күй тыңдасам күмбірлеген,
Көзден жасым ағады.
Таңдандыра би билеген,
Мені билей алады.
Қас жүйрігі қылқаламның
Тұрса ғажап сурет сап,
Жүрегімді ұрлатамын,
Тамашаға ұйып қап.
Тамылжыған әсем әуен,
Жанға ләззәт береді.
Тап сол кезде көңілім кең,
Табылып бар керегі.
Сөз маржанын тізсе біреу,
Ақса таза бұлақ боп,
Дегеніне көнем дереу,
Қалсам дағы тулақ боп.
Шыным осы – күш жоқ менде,
Өзімді өзім меңгерер.
Әсемдікке бодым пенде,
Мінезім жоқ өзгерер.

романс Шот-Аман Уәлиханов сезім сезім туралы өлең Қазақша өлең өлеңдер әсемдікке бодым пенде Шот-Аман Уәлиханов өлеңдері

Пікірлер (0)

Пікір қалдырыңыз

Жиі қойылатын сұрақтар