Сиқырлы сәт

Ұйқыдан кеттім оянып,
Көңілім баппен тербелді.
Айналам нұрға боянып,
Жаным бір жақсы күйге енді.
Шабыттың мініп тұлпарын,
Алысқа шаптым, самғадым.
Ауаның жұтып жұпарын,
Есімде рахаттанғаным.
Қаптады ойлар селдетті,
Бірінен кетті бірі асып.
Табиғат талмай әндетті,
Менімен терең сырласып.
Сыймадым, жерге қуанып,
Балқытып бойды, сыр тұрды.
Сезімге нәзік оранып
Сиқырлы сұлу жыр туды.
Ұйқыдан кеттім оянып,
Көңілім баппен тербелді.
Айналам нұрға боянып,
Жаным бір жақсы күйге енді.
Шабыттың мініп тұлпарын,
Алысқа шаптым, самғадым.
Ауаның жұтып жұпарын,
Есімде рахаттанғаным.

---