Қазақ деген ел едік

Қазақ деген ел едік
Әділдікті жақтаған.
Еңіреген ер едік
Жүйріктерді баптаған.
Біреуге көз салмадық
Жерін тартып алсақ деп.
Елімізді қорғадық
Өзіміз би болсақ деп.
Ұзамады еркіндік
Бодан болдық бағындық.
Тапталғанда жер кіндік
Бостандықты сағындық.
Талай боздақ, батырым
Шаһид болып кетті ғой.
Ой-арманы, ақылы
Бізге ту боп жетті ғой.
Тәуелсіздік белгісі
Самғай берсін ғарышқа.
Жақсылықтың өрісі
Парыз, ұят, намыста.
Әрқашанда қазақтың
Жансын көкте ай, күні.
Жерін сақтап қазақтың
Бас қосайық бар күні.
Шынайы дос емес-ау.
Дос дегеннің бар, бәрі.
Бостандыққа болар жау
Қауіп-қатер бар әлі.
Ажырату тым қиын
Балгер менен бақсыны.
Жиналғанда жұрт дүйім
Ұмытпайық жақсыны.
Істеген іс сәнді боп
Қарасақ көз тоймасын.
Әруақтар жар болып,
Құлай өзі қолдасын!

---