Қыз ары

Түңгі клубта секеңдеген қарындас,
Түңгі өмірді серік қылып айрылмас.
Ойын-күлкі, сауық сайран құрумен,
Еш уайымсыз, сән салтанат қылумен.

Зымырайды зуылдаған күндерің,
Уақытыңның қадірінде білмедің.
Жастық шақтың қызығына бөлендің.
Бұл жалғанның ақ, қарасын көрмедің.

Арлануды ұят көрдің, ұмыттың,
Жігіт үшін, жанжалдастың, жұлыстың.
Байлығына, ақшасына қызықтың,
Айтшы осыдан сонда өзің не таптың.

Өз тіліңде сөйлеугеде арландың,
Өзге тілде сөйлегенге мақтандың.
Ғаламтормен, теледидар, әуенмен,
Ой санаңды тұншықтырып, уландың.

Батыс салты мықтап енді қоғамға,
Әсер етті кәрігеде, жастарға.
Алдап, арбау, зорлық, қорлық көрсету,
Үйреншікті іс болғандай адамға.

Түңгі клубта секеңдеген қарындас,
Қадамыңды мың ойланып анық бас.
Дақ түсірмей қазақ қызы атына,
Үлгі болып ел жұртыңа, халқыңа,

Қазақ қызы тәрбиелі, ибалы,
Қазақ қызы инабатты, сыпайы.
Қазақ қызы сымбатымен, сәнімен,
Тамсандырар, сүйсіндірер талайды.

Қазақ қызы Әлия мен Мәншүгім,
Қазақ қызы Баян сұлу, Жібегім.
Қайсарлығын қан майданда танытқан,
Тектілігін анасынан дарытқан.

Қыз қорланса, ар намысы тапталса,
Жай отырмай арандатар дұшпанда.
Ер мінезді жігіттерім бар болса,
Қара көзден мөлдіреген жас тамса,
Қазақ қызын қорғаштайды қашанда.

---