Көк байрақ

Байрағымыз көк аспанда желбіресін,
Байтақ жерім, құт мекенім, елім десін.
Қазағыма ырыс қонған заманда бұл,
Бақ береке үйімізден үзілмесін.

Көк байрағым бейбіт тыныш күн туғызып.
Азаттыққа аңсап келген қол жеткізіп.
Нышанындай берік бірлік, татулықтың,
Ынтымағын дүйім елдің тұтас қылып.

Рухы биік асқар таудай алаш жұрты,
Өткізседе бастарынан талай сынды.
Өжеттікпен ұл қыздары мойымаған,
Жеңе біліп қайсарлықпен қиындықты.

Досқа адал, жауға қатал бола білген,
Ар намысын жаннан артық қойа білген.
Әдеп-ғұрып, салт-дәстүрді ұмытпастан,
Құндылығын құрмет тұтып қадірлеген.

Дархан далам төскейінде жүріп өткен,
Бабалардың өшпес ізі бізге жеткен.
Ерліктерін жырлап өтсе өрен ұрпақ,
Ер бабалар орнынан бір аунар мекен.

Тұран жерін мекен еткен көшпенділер,
Ордасына туын тіккен хан, көсемдер.
Туған жерін қорғап өткен қас батырлар,
Әділдікпен үкім қылған би, щешендер.

Өнегелі істерімен өшпейтіндей,
Ұрпағына ұлы істер жүктейтіндей.
Текті елдің тегі мықты, кең пейілі,
Жауларыда ірткі салып бөлмейтіндей.

Көз алартқан жерімізге дұшпандарда,
Қой терісін шекпен қылған көкжалдарда.
Жұдырықтай жұмылғанда жамағатым,
Ел бірлігін бұза алмас ешқашанда.

---