Сен ару

Балбырап ақ таңдар атқанда,
Балаймын жүзіңе күн көзін.
Бәйшешек қырларды жапқанда,
Балқимын тербетіп гүл-сезім.

Қайырмасы:
Сен ару айдында аққудай,
Мен ағын айбынды тасқындай.
Әуезді ән салшы,
Аңсаумен қарсы алшы,
Толқыған жүректер тапсын жәй.

Көктемнің қызығы тасқындап,
Кеткендей аулақтап қаяу-мұң.
Сен де бір әніңмен қосшы ырғақ,
Серуендеп жүрейік аяулым.

Қайырмасы

Сыралғы самалдар ессін де,
Өтсінші махаббат қос сыннан.
Үміттің көздері жетсін де,
Болсыншы бір шаттық тосыннан

Қайырмасы