Қырмызы гүлім менің

Қандай сен аяулым-ау әдемісің?
Көркіңнің керді жанды әсері шын.
Көрінген ақ жүзіңнен ай сәулесі,
Махаббат таусылмаған әсемісің.

Қайырмасы:
Қырмызы гүлім менің!
Сен маған күлімдедің.
Өмірден түңілмедім
Арылды үнімде мұң,
Бақытым тағдырдағы!
Жан-дүнием ән жырлады.
Өзіңсің шат-думанды
Қызығым алдымдағы!

Қандай сен, аяулым-ау көріктісің?
Ерке елік қандай еді өрік пішін.
Өзіңді жырлап өтем, өліп-талып,
Ғұмырда жеткенінше ерік-күшім!

Қайырмасы

Қандай сен аяулым-ау мөп-мөлдірсің?
Самалы қырдың салқын өпкен гүлсің.
Өзіңе құрбы болып ақ шуақ таң,
Әрдайым жанарыңда көктем жүрсін!

Қайырмасы

---