Не жаман – Жамау Бұхарбаев

Бұл бетте «Не жаман» атты Жамау Бұхарбаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Әлі де талай бар жаман,
Әлеміш жанды жар жаман.
Кеудеге нан піскенге,
Салбырап көктен түскенге
Күн салсаң, болар хал жаман.
Басқаша болар бар жаман,
Жастарды күңдер шал жаман,
Сеніп қап аяр құшқанға
Сездірмей келген дұшпанға
Секемсіз берген бал жаман.
Жаумаған қыста қар жаман,
Бітімсіз тарқар дау жаман
Басыңа бәле төнгенде
Өртеніп тұрып өр кеуде
Таусылып қалған әл жаман.
Пиғылдан пиғыл тар жаман,
Тарылып туған жан жаман.
Жер менен аспан келіспей,
Өртеніп кеткен егістей,
Тапталып қалған ар жаман.
Бейуақта келген зар жаман,
Жетесіз біткен жал жаман.
Келісер жерде кебі жоқ,
Өлісер жерде себі жоқ
Наданға болған пар жаман.
Араммен келген мал жаман,
Бұтағы қисық тал жаман.
Жақсылық жаққа жүрмеген,
Жақсының ісін күндеген,
Бәрінен болар сол жаман.


Пікірлер (0)

Пікір қалдырыңыз

Жиі қойылатын сұрақтар

Не жаман өлеңінің авторы кім?

Жамау Бұхарбаев — осы өлеңнің авторы.

Не жаман өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Не жаман өлеңі не туралы?

Бұл өлеңде Жамау Бұхарбаев өз ойы мен сезімін көркем түрде жеткізеді.

Не жаман өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері