Алтын ордам – туған жер – Жамау Бұхарбаев

Туған жер төскейінде түледім де,
Жібектей жел есілді жүрегімде.
Арайлы таңдарыңның шуағындай,
Асылды таба алмадым бұл өмірде.

Қайырмасы:
Жарқын жаздың жанарынан нәр алған,
Сенің жылы топырағың-ән арман.
Жерұйыққа теңгерілген,
Жыр шумағы сенде өрілген.
Айналайын алтын ордам,
Аппақ нұрдан жаралған.

Қарсы алып түстік жерден қоңырау үн,
Туған жер сүт аңқыған омырауың.
Жанымды рахатқа бөлегенге,
Шаттықтың шуағына шомыламын.

Қайырмасы

Салқын бел, самалды қыр бақтарынан,
Биқасып байлық кені ақтарылған.
Туған жер, көрем сенің дидарыңды,
Бақытты шұғалалы шақтарымнан.

Қайырмасы