Өлең, жыр, ақындар

Өтер айлар, өтер жылдар, өтер күн

  • admin
  • 05.09.2024
  • 0
  • 0
  • 268
Өтер айлар, өтер жылдар, өтер күн,
Алтын уақыт қадіріңе жетер кім?
Атқан оқтай, жылдамдықпен зулаған,
Секундтармен мен де сырғып кетермін.

Қайран уақыт көшкен құмдай сусыған,
Көңіл бөліп, көз тоқтатар кім бұған?
Кеше ғана тал шыбық ем, ал бүгін,
Кескен томар секілденген түр-тұлғам.

Күнім өтіп, апта, айға ұласып,
Қабағымды қара түнек мұң басып.
Қайтқан құстай, мезгіл келсе қалықтап,
Керуен бастап, келем мен де қыр асып.

Дауылдайын құйындатқан дәуренім,
Жарығына арбалыппын сәуленің.
Геологтай қазына іздеп қаңғырған,
Дүниенің ақтарыппын тау-кенін.

Ширек ғасыр қара жолды шиырлап,
Асу асып, тау бөктерін қиырлап.
Қай шұңқырға төгерімді білмеймін,
Дүниенің күл-қоқырын жиып ап.

Қайран уақыт үміт қалды ақталмай,
Жырлағанмен пайда бар ма, жақ талмай.
Тарпаң тағдыр тақымында кетермін,
Тарта-тарта тулақ болған көкпардай.



Пікірлер (0)

Пікір қалдырыңыз

Жасаған жоқ, жақсылық саған адам

  • 0
  • 0

Жасаған жоқ, жақсылық саған адам
Топырағыңнан адамзат жаралғалы,
Кімдер сенің төсіңнен нәр алмады.
Айтақын Бұлғақов

Толық

Баланың да қабағына қарайлап

  • 0
  • 0

Баланың да қабағына қарайлап,
Келіннің де қабағына қарайлап.
Не айтса да, сенікі жөн мақұл,
Айтақын Бұлғақов

Толық

Өтірік

  • 0
  • 0

Өтірік
Сену қиын бір Құдайдан басқаға,
Жағу қиын жәдігөйлі қасқаға.
Айтақын Бұлғақов

Толық

Қарап көріңіз