Өлең, жыр, ақындар

Зулайды күндер зымыран

  • admin
  • 07.09.2024
  • 0
  • 0
  • 469
Зулайды күндер зымыран,
Өмірдің өзі – тым ұран.
Ұпайы түгел ұраннан
Сынардай миым-құмырам.

Зулайды күндер, тұрмайды,
Артына мойын бұрмайды.
Келешігіміз күні ертең
Толғанады екен кім жайлы.

Зулайды күндер тоқтаусыз,
Жоғалтқандарым жоқтаусыз.
Батырады екен тереңдер,
Қорқытады екен көп даусыз.

Табаны тастан таймаған,
Уақытты жүйрік дейді адам.
Қалып қойдым ба, білмеймін,
Озып кеттім бе? Ойланам.

Ай мен Күн кезек өрмелеп,
Тұрмайды Жер де дөңгелеп,
Қолымыз жетпес жұлдыз да
Құлайды неге Жерге кеп?

Алаңдай берем несіне,
Жүрсемші мен де көсіле?!
Өкшеміз батып жүр ме екен,
Қара жер, сенің төсіңе?
Кешіре көрші, кешіре!



Пікірлер (0)

Пікір қалдырыңыз

Кездейсоқ Сізге кезігіп

  • 0
  • 0

Кездейсоқ Сізге кезігіп,
Оянды қалай тез үміт?!
Аңсаудан қайтем бір күні
Сағыныш Намазшамова

Толық

Томағасы сыпырылды қыранның

  • 0
  • 0

Томағасы сыпырылды қыранның,
Мыңды жеңдім, Кирді жеңдім, Тұмармын.
А, Құдайлап, Абылайлап, тұтқиыл,
Сағыныш Намазшамова

Толық

«Қарғам» деші

  • 0
  • 0

«Қарғам» деші,
Толқын-толқын ағылсын арман көші.
Жанкешті боп өтейін жалғанда осы.
Сағыныш Намазшамова

Толық

Қарап көріңіз