Өлең, жыр, ақындар

Ағады Ақсу баяу ғана

  • admin
  • 07.09.2024
  • 0
  • 0
  • 347
Ағады Ақсу баяу ғана,
Шалқымайды, тасымайды.
Жағасында жан тыншиды,
Қалсам ба екен басыбайлы?!

Қашсам солай жан мұңынан,
Шаһардың шу-гүрілінен,
Болар ма екен дерт меңдеген
Жүрегімнің дірілі кем?!

Жал толқындар жымың қағып,
Жарысады ойнап ағып.
Жылылықты біз қалайша
Толқын құрлы ойламадық?!

Торықпайды жатса дағы
Толқын басын тасқа соғып.
Біз де сондай мықты болсақ
Қиындықтан қашпас едік.

Салқындатшы санамды енді,
Тербет, өзен, әлдилеші,
Әніңе ұйып ұйықтап кетсем,
Білем, дерттен жан күймесін.

Ағады өзен, оралмайды,
Уақыт деген ауыспалы.
Сен де арнаңа түссеңші енді,
Өмірімнің ағыстары!



Пікірлер (0)

Пікір қалдырыңыз

Ержан ағама

  • 0
  • 0

Ержан ағама
«Қайрат етем тас қабағын осы ұлдың», -
Деуші едім ғой,
Сағыныш Намазшамова

Толық

Шыбық алып барайыншы қой жаққа

  • 0
  • 0

Шыбық алып барайыншы қой жаққа,
Не қалыпты жар астында, ой қап па?
Балалықтан тарқамаған той қап па?
Сағыныш Намазшамова

Толық

Расында өмірдің несі жалған?

  • 0
  • 0

Расында өмірдің несі жалған?
Әлі талай ашылар есік алдан.
Неге екенін, сонда да аласұрам
Сағыныш Намазшамова

Толық

Қарап көріңіз