Өлең, жыр, ақындар

Алдыңызда жаңа кітап – күнтізбе

  • admin
  • 07.09.2024
  • 0
  • 0
  • 325
Алдыңызда жаңа кітап – күнтізбе,
Күрсінбестен жыртып тастап жүрсіз бе?!
Құмсағатты бітейсіз бе белінен,
Қарындас боп сырымды айтсам бір Сізге?
Күлкі көрдім Сізден ғана риясыз,
Күле түскін, неге езуді жиясыз?
Кеңдігіңіз көшірмесі даланың,
Қанағаттың қауызына сыясыз.
Сабырдың да Сізден көрдім салмағын,
Аға тұтпай жүретұғын бар ма күн?!
Биіксің деп бұлданбаса біреулер,
Бар ма басқа тағатұғын тауға мін?!
Айнымайтын біртоғалық қалыптан,
Тазалықтың табиғатын танытқан,
Көлеңкені ысыруға, сірә да
Сіздің жүрек жаралған-ау жарықтан?!
Алдыңызда жаңа кітап – күнтізбе,
Күрсінбестен жыртып тастап жүрсіз бе?!



Пікірлер (0)

Пікір қалдырыңыз

Күнделікке сыр айтамын, ақыл ап

  • 0
  • 0

Күнделікке сыр айтамын, ақыл ап,
Жансыз дәптер жан досыңа татымақ.
Ақтармасын.
Сағыныш Намазшамова

Толық

Расында өмірдің несі жалған?

  • 0
  • 0

Расында өмірдің несі жалған?
Әлі талай ашылар есік алдан.
Неге екенін, сонда да аласұрам
Сағыныш Намазшамова

Толық

Түлкібұлаң тірлікте

  • 0
  • 0

Түлкібұлаң тірлікте
Айналасы жүрсе дейді тек елеп,
Өзге жанның әсте жылдам жетегі.
Сағыныш Намазшамова

Толық

Қарап көріңіз

Басқа да жазбалар