Өлең, жыр, ақындар

Аналарым, ақ самай әжелерім

  • admin
  • 07.09.2024
  • 0
  • 0
  • 1024
Аналарым, ақ самай әжелерім,
Сендердей мен де өмірге дән егемін.
Еркелігім шығар тек, жетпей жүрсем,
Жастықпен қадіріне дәнеменің.
Әжелерім, шежіре, әз үндерім,
Сабырлы едің, не деген қажырлы едің.
Жүріп өткен жолдарың шиырлаған,
Әр беріп тұр жүзіңе әжімдерің.
Әжелерім жүн түткен, киіз басып,
Кетіп бара жатыр-ау қиырға асып.
Сарқытың бола алармын салтқа жарар,
Естіртсең сыр сандықтан күйіңді ашып.
Қыз болып, келін болып көктегенің -
Тамыры терең кеткен көк терегің.
Жеткізген көне демін - өнегелім,
Өзіңдей болсам енді деп келемін.
Аналарым, ақ самай әжелерім,
Сендердей мен де өмірге дән егемін.
Еркелігім шығар тек, жетпей жүрсем,
Жастықпен қадіріне дәнеменің.



Пікірлер (0)

Пікір қалдырыңыз

Түлкібұлаң тірлікте

  • 0
  • 0

Түлкібұлаң тірлікте
Айналасы жүрсе дейді тек елеп,
Өзге жанның әсте жылдам жетегі.
Сағыныш Намазшамова

Толық

Өтеді талай ғасыр

  • 0
  • 0

Төңкерілген көк күмбез, ақ аспаным,
Талпынады сен жаққа сан асқарым,
Көрдім шыңның көкпенен таласқанын,
Сағыныш Намазшамова

Толық

Зулайды күндер зымыран

  • 0
  • 0

Зулайды күндер зымыран,
Өмірдің өзі – тым ұран.
Ұпайы түгел ұраннан
Сағыныш Намазшамова

Толық

Қарап көріңіз