Жас құдағи

Кез болған қиуада жас құдағи,
Жөн білер жаны жайсаң бас құдағи...
Келеді көзі күліп құдаң төніп,
Құлпырсын құшағыңды аш құдағи.

Қайырмасы:
Құдаң отыр,
Көзі күліп.
Не айтарын,
Өзі біліп.
Жүрек шіркін барады еріп,
Сүйкенші сен таяу келіп.
Лебізіңе елтіп қалдым,
Ән айтшы деп қолқа салдым.
Көңілдегі сырыңды аш,
Жас құдағи әніңе бас.

Қыпша бел, аққу мойын бас құдағи,
Қиылған айдай әсем қас құдағи.
Өзіне өз обалы басқалардың,
Өңірін бешбетіңнің аш құдағи

Қайырмасы

Жарасқан жекжат тауып дос құдағи,
Көңілді көтерейік тос құдағи.
Дәм бізді жазған екен мыңжылдыққа,
Жүрелік ойнап-күліп қош құдағи.

Қайырмасы

---