Өлең, жыр, ақындар

Айналама қарасам…

  • admin
  • 11.09.2024
  • 0
  • 0
  • 476
Ғажап неткен тау, дала,
Нұрын төксе Күн көктен.
Ғажап біздің аула да,
Сәби біткен – гүл, көктем.

Қызғалдақтар қыратта
Желбірейді алаудай.
Сыңғыр қаққан бұлаққа
Қараймын көз ала алмай.

Сырласқандай маңаймен,
Шаттанамын, қуанам.
Мұндай сәтте
Қалай мен
Әсерленбей тұра алам?!

Бір іске таңғалам ба,
Бір ғажапты көрем бе –
Дауыл ұйтқып санамда,
Айналады өлеңге.

Бара қалсам көлге де,
Қызықтарды көрем көп.
Бар әсерім кеудеме
Құйылады өлең боп.

Орманда да
Маңыма
Қарай берем елеңдеп.
Қызыққаным
Тағы да
Төгіледі өлең боп.

Бұлбұлға да сайраған
Сүйсінемін жыр арнап.
Байқап жүрмін,
Айналам
Мені ақын ғып шығармақ.



Пікірлер (0)

Пікір қалдырыңыз

Лаң

  • 0
  • 0

Лаң - Сұлтан Қалиев
Есеп десе кiшi iнiм
Берiледi үрейге.
Сәл ойланса,

Толық

Гүл

  • 0
  • 0

Гүл - Сұлтан Қалиев
Үйде тұрып өсетiн
Әкеп гүлдiң көшетiн,
Топырақты салдым да,

Толық

Ренжиді

  • 0
  • 0

Ренжиді - Сұлтан Қалиев
Ерте тұрып Шекербек,
Төрт тауығын ұстады.
Қамап, қашып кетер, – деп,

Толық

Қарап көріңіз