Түсімде сені

Бұл бетте «Түсімде сені» атты Жомарт Калмуратов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Қиялым шынайы боп көріне ме?
Сен жайлы түстерімнің көбі неге?
Өзіңді көріп жүрген түстің бəрі,
Айналатын шығар бір күн өңіме де.

Жүрек сені түнде іздеп сенделеді,
Жаныма тек өзіңсің ең керегі.
Көзімді жұмсам болды сені көрем,
Түсіңде көресің бе сен де мені?

Түсімді алса сен жайлы ғалам қамап,
Жүректе үміт тұрады, санамда бақ.
Түсімде түнде сені көріп-көріп,
Күндіз де жалықпадым саған қарап.

Өңдей емес түстердің тайғанағы-ай,
Мені алып барады қайда қарай?
Шашыңнан аппақ шығар түнгі аспан,
Жанарыңнан қараңғы айдағы арай.

Түндегі сен арайсың жарығы мың,
Дəл сендей кім түсінер жан ұғымын?
Оянғанда есіме сен оралып,
Сені ойлап көзді жұмдым тағы бүгін.

Сендік түске түстерім боялғанда,
Қиял-қанат бітеді ой, арманға.
Түсімде ылғи сені көрер болсам,
Дайынмын өмір бойы оянбауға...


Пікірлер (0)

Пікір қалдырыңыз

Жиі қойылатын сұрақтар

Түсімде сені өлеңінің авторы кім?

Жомарт Калмуратов — осы өлеңнің авторы.

Түсімде сені өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Түсімде сені өлеңі не туралы?

Бұл өлеңде Жомарт Калмуратов өз ойы мен сезімін көркем түрде жеткізеді.

Түсімде сені өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Ұқсас өлеңдер