Сұлтан Қалиев

Құтты болсын мереке

Бұл бетте «Құтты болсын мереке» атты Сұлтан Қалиев жазған мерекеге арналған өлең берілген. Өлең мәтіні, текст, өлең жолдары және толық нұсқасын осы жерден оқуға болады.

admin
12.09.2024
0
0
607

(8 Наурыз мерекесінің сценарийіне қосымша)
8 НАУРЫЗ – Халықаралық әйелдер күні

І бала:
Шырқайтындай ән қылып,
Апамның көп өнері.
Ас дайындап дәмді ғып,
Көйлек тігіп береді.
Жұмысынан
Мен үшін
Ерте қайтып келеді...
Бітірген соң көп ісін,
Ертегі айтып береді.
Жарқыратып еденді
Жуады анам – әмбабап.
Мен де анамдай
Өнерлі
Болсам деймін әлден-ақ.

ІІ бала:
Мезгілінде, тұс-тұста
Аяқтаса жұмысты ел,
Кеш келеді жұмыстан,
Менің апам тым іскер.
Мен ұйықтап жатқанда
Келеді ол – жаманы.
Оятпай,
Таң атқанда,
Тағы кетіп қалады.
Сенбі күні есіктен
Естіледі таныс ән.
Анашыммен өстіп мен
Аптада бір қауышам.

ІІІ бала:
Тіршіліктің жүрегі
Сіздерсіздер, аналар.
Саулық тілеп жүреді
Баршаңызға балалар.

Топ бала:
Тілейміз біз бәріміз –
Орындалсын ойларыңыз!
Сегізінші наурыз
Құтты болсын тойларыңыз!

Халықаралық әйелдер күні 8 Наурыз мерекесі сценарийіне қосымша Сұлтан Қалиев тақпақ өлең құтты болсын мереке Сұлтан Қалиев өлеңдері

Пікірлер (0)

Пікір қалдырыңыз

Жиі қойылатын сұрақтар